【糖果推介篇】Minions 迷你兵團限量版的嗒糖

早前有電影公司與糖果生產商合作推出卡通人物系列糖果，在海外開賣即吹起一股炒賣風。中港台兩岸三地 Instagram、facebook 和淘寶專頁都有代購，有價有市賺到笑。

美國卡通電影《壞蛋掌門人》系列「迷你兵團」角色Stuart、Bob以及Kevin幾隻黃色公仔論盡、戇居、可愛到爆，深受全球大人小朋友歡迎。電影公司見佢地咁收得，準備喺暑假檔期（7月9日）推出專屬電影。為幫電影造勢，片商早前與「Tic Tac」合作推出這限量版香蕉味「迷你兵團的嗒糖」，粒粒糖都係一隻「迷你兵團」，等大家可以吞晒班百厭星落肚。

本來這款糖果要在網上玩遊戲先有機會得到，其後生產商決定在美國、澳洲和新西蘭等地開賣。「迷你兵團」fans 知道後開心到癲瘋狂搶購，熱潮更席捲到亞洲中、港、台三地。近日在本港 Instagram 以及內地淘寶網等地方，都湧現大量「迷你兵團的嗒糖」代購帖文，聲稱可以幫買家從海外集體訂購付運。

原價由一盒 1.5 澳元（約 9 港元），到最初代購價徘徊在每盒 20 港元水平左右，之後愈賣愈貴，更有網店曾提高代購價至每盒 30 港元，比原價貴三倍有多。雖然真的賣得不便宜，不過代購商均稱自己不乏買家，每次有新貨到倉，都會迅即賣斷市，短期內仍會繼續掃貨轉售，看來「迷你兵團」在市場上的威力一點也不迷你！

「的嗒糖」相信是很多成年人兒時的集體回憶，有林林總總的情意結。回想兒時可選擇的糖果並不多，只有「的嗒糖」、「皮禮士糖」、「爆炸糖」等等較為人所熟悉。當然，現在的小朋友是否仍然喜歡這些舊產品，本人不太確定。但這款迷你兵團 (Minions) 限量版的嗒糖，每粒都印有戇居的小兵團樣，真是超可愛啊，如果是迷你兵團的粉絲，一定愛到佢顛。但究竟這限量版的香蕉味是怎樣？都是算吧啦！

此產品成分有糖、麥芽糖糊精、阿拉伯樹膠、酒石酸、大米澱粉、檸檬酸、人工香料、硬脂酸鎂、乾熱情果、薑黃素、蟲膠、上光劑（巴西棕櫚蠟）、食用色素（紅色 40 號–誘惑紅、藍色 1 號–亮藍、黃色 6 號–日落黃）。

 

購買地點：優品 360 (油麻地)

價錢：HK$ 25.00/盒/ 1安士

原產地：愛爾蘭

 

溫馨提示

1/. 由於的嗒糖的尺寸比較細小，小朋友食用時切記要特別小心。

2/. 想知道食用色素對小朋友的影響，可瀏覽此網頁作參考。

 

更多最新的美食分享在 YummyEC 的 Facebook page，請給它一個 Like！