【中點推介篇】蓮香居令人滿足的蓮蓉雞蛋糕

一切從蓮香居開始？！近這個月，香港已去到頂峰或巔峰，唔係你 "頂" 我，就係我 "頂" 你。唔係你話我 "癲" ，就係我話你 "癲" 。真係所有香港人都癲咗。

有人話香港已經無自由？亦有人話香港人已經無得揀？
但我今日就選擇不光顧大集團酒樓，而揀了「蓮香居」。你話我無得揀？我就揀了我心愛的山竹牛肉、蝦餃和灌湯餃等等。灌湯餃都只賣廿二蚊，如果去大集團酒樓，以這個價錢，你就真係無得揀喇。咁「蓮香居」有冇得賺？做生意怎會無得賺，只是他們不想賺到盡，大家一起開心不是更好嗎？使唔使好像有些人說 :｢我是不會連你口袋裡的最後一蚊都賺埋的 (不過如果你口袋裡有兩蚊的話，我還想多賺你一蚊)。｣

可能現在香港的自由，已不能滿足某些人需要更多的自由。但我所看見那些現正在爭取更多自由的人，其實他們有甚麼不自由呢？他們有唔去開會的自由、他們可選擇唔返工，但可享有繼續出糧的自由、他們開會時可以選擇唔專心，而去睇陣靚女相的自由、你地去瞓街，她就去扮靚的自由、你每個月只可賺取最低工資的自由，但他們可選擇收取其他人獻金的自由、做神職的人，收取大額奉獻後，又可享有不用呈報和交稅的自由，莫非他們還需要更多的自由？

亦可能現在香港的環境，已不能滿足某些人需要更大的環境。有些人一家六口住在一間三、四百尺的房子裡，都能勉強過活。但有些人已經住在大宅，仍要僭建仟尺地庫。是不是反映擁有更多的，才會爭取更多？！

 「滿足」幾時才能滿足？幾多才為滿足？心裡富足的人，雖然口袋裡只剩得兩個小錢，他都可以為著自己還活著而感恩。反觀，一個心不知足的人，他永遠不會明白知足所帶來真正的「滿足」是怎樣。

可能有人需要日日山珍海錯才能「滿足」，但我只希望每個月出糧的時候，能去「蓮香居」嘆一次茶已很「滿足」。亦可能有人需要年賺百萬、千萬才能「滿足」，但我只希望每個月有糧出已很「心滿意足」。

購買地點：蓮香居

價錢：HK$ 14.00 /個

原產地：100%香港製造

溫馨提示 :

人生衝衝幾十年，就算比你賺得全世界又如何？到頭來，兩腳一伸，莫非有人能帶千億身家落棺材？！